Rhubarbszäit!
Juhuhh! Wollt schonn ëmmer eng Kéier teste wéi
Rhubarb schmaacht wann een en net Séiss präparéiert. A kuck do: D'
Saier vum
Rhubarb passt ganz gutt an e Curry! En zerfält ower zimlech schnell, wat eigentlech och positiv ass well d'Zooss ganz
sämeg mécht. Déi nächste Kéier probéieren ech ower aus wéi et gëtt wann een e just zum Schluss 1 Minutt
mattkächelen léisst. Hätt iergendwéi gären nach e bëssi méi vum
Rhubarb gehat ;-)
Ech hunn den
Tofu am
Kokosnossueleg ugebroden bis en eng liicht gëllen Faarf hat. Ech hunn en aus der Pan geholl, Brennnesselen,
Rhubarb a Knuewelek dran
ugedënst, da mat
Currypolver bestreet, eng frësch
Kurkumaknöllchen drageraspelt a matt
Kokosmëllech ofgelescht. Den
Tofu an eng gewierfelt Tomat kuerz matt dran, an eng Kéier opkache gelooss. Duerno matt Salz a Peffer
ofgeschmaacht, an op
Quinoa mat
gehackte Kraider a
Vergissmeinnichtbléien bestreet servéiert.
Brennnesselen sinn eppes fäines! Fir ze sammelen halen ech ëmmer eng Seibecken ënnert Planz, schneide just d' Spëtzten of, a kann se dann direkt ënner fléissend Waasser ofspullen (wann et misst sinn) a kippen se och direkt aus der Seibecken an d'Pan ouni se eng Kéier missen unzepaken. ;-) Brennnessele sinn e super gesond Geméis, matt villen
Flavonoiden, Magnesium, Kalzium an Silizium ower och vill Eisen.
Brennnesselen hu 7 mol méi Vitamin C wéi Orangen!
Provitamin A fënnt een och dran, an een immens
héigen Eewaissgehalt (40% méi héich wéi Soja).
Dat Allerbescht: Brennnesselen fënnt een sou gutt wéi iwwerall an si si liicht ze erkennen!
A Propos Soja:
Hei d'Rezept fir mäin
Hausmaacher Tofu. ;-)
No comments:
Post a Comment