E puer Bléien hunn ech beim Spazéieren scho konnte plécken. Zwou Saache sinn doraus entstanen, an eng dovu wor en Dessert: Eng Hielännerbléien-Cashew Pannacotta matt enger Zitroune-Peffermënz Zooss. (vegan)
Ech hun 10 Hielännerbléien (déi ganz Dolden) a 560 Milliliter Waasser en halwen Dag stoë gelooss. Dunn hunn ech an dat Waasser annerhalwen Téiläffel Agar Agar ageréiert, 1 Pauz Salz, d'Muerg vun enger Vanille-Staang, an 120 Gramm Agavendicksaft koumen och nach dobäi. Ech hunn dunn d'Bléien um Gréngs gepak an eraus gezunn.
Eenzel wäiss Bléien déi sëch duerch daat villt Réiere geléist hu kënne roueg dra bleiwen!
Da kommen 150 Gramm Cashewmus drann an daat ganzt gëtt ënner Réieren opgekacht an eng Minutt kächelen gelooss. Dann a Forme geschott an direkt an de Frigo gestallt (op d'mannst eng Stonn). Ech hat gréisser Äiswierfelformen (5x5x5) geholl, dat si 7 Stéck ginn.
Fir d'Zooss:
Ech hunn eng Zitroun filettéiert, a mam Jus vun enger Zitroun, 150 Milliliter Waasser an 80 Gramm Geléierzocker 4 Minutten kächelen gelooss. Dunn hunn ech 2 Hielännerbléien dra geluecht, a Peffermënzblieder kleng gehackt dra gestreet a kal gestallt.
D'Hielännerbléie ginn am beschten virun der Mëtteszäit, wann et sonneg ass, gepléckt wa si scho schéin op sinn. Si ginn nët gewäsch (wéinst dem Goût) mee einfach ganz viirsichteg "gerëselt"fir evtl. kleng Déiercher lass ze ginn.
Hielännerbléien sinn och ganz gesond. Si enthalen ënnert anerem ätherësch Uelecher a Glycosiden. D'Hielännerbléien ginn agasat bei Otemwee-Infektiounen an Erkältungen. D'Bléie kann een och ganz gutt drëschenen fir als Téi ze opzegéissen.
No comments:
Post a Comment