Haut gouf e "liichte" Routkléi-Sirup gemaach. Dee schmaacht ganz extra a lecker, an ass zudeems Medizin bei "Fraeleiden". Dat heescht awer net, datt d'Männer deen net kënnen drénken. ;-)
Ech hunn dräivéierels bis een Miessbecher
Routkléibléie matt engem Miessbecher (500ml)
Waasser an enger décker Scheiw (Bio-)
Orange 10 Minutte kache gelooss. Du koum de Jus vun enger
Zitroun an de Räscht vun der Orange als Jus dran, an ech hunn en 20 Minutten zéie gelooss. E gouf duerch eng reng Passette geschott, a matt 280 ml
Agavendicksaft geséisst a kuerz opgekacht an an eng ausgekachten Fläsch gefëllt, de Rescht huet direkt missen dru gleewen.
Dëse Sirup ass nët esou déckflësseg ewéi een klassegen 1:1 Waasser-Zocker Sirup, e gëtt ower trotzdem matt Waasser verdënnt.
Opgepasst: An der Schwangerschafft soll een keen Routkléi zou sech huelen!
Routkléi ass gutt erkennbar. Et ass dee schéine vu Mee bis Oktober rosabléienden, e bëssi méi grousse Kléi, deen och oft als Kulturplanz geséint gëtt.
No comments:
Post a Comment